Tyrell Malacia hefur byrjað læknisskoðun hjá Manchester United en það er Sky Sports sem greinir frá.
Malacia er að ganga í raðir Man Utd frá Feyenoord og kostar enska liðip 13 milljónir punda.
Nokkur lið sýndu Malacia áhuga í glugganum og þar á meðal Lyon í Frakklandi sem mistókst að hafa betur.
Sky segir að Malacia klári læknisskoðunina á morgun og verður hann svo kynntur sem leikmaður liðsins.
Hann verður fyrsti leikmaðurinn sem Man Utd fær undir stjórn Erik ten Hag sem tók við í sumar.
