Færeysk og norsk stjórnvöld hafa gert með sér samninga um makrílveiðar í fiskveiðilögsögu hvors lands.

Mega flotar beggja landa veiða allt að 83.524 tonn af makríl, sem samsvarar um helmingi af heildarmakrílkvóta Færeyinga, það sem eftir lifir makrílvertíðar ársins 2021 innan landhelgi hvort annars.

Þetta kemur fram í færeyskum miðlum.

Sömuleiðis var samið um að færeysk skip sem veiða í norskri fiskveiðilögsögu landi í Færeyjum eða í Noregi og gildir það sama um norsk skip sem veiða í færeyskri fiskveiðilögsögu.

Þá kemur fram í færeyskum miðlum að samningurinn á milli Færeyja og Noregs sé sögulegur að því leyti að aldrei áður hefur verið samið um viðlíka aðgang Færeyinga að makrílveiðum í norskum sjó.

Engir heildstæðir samningar gilda um veiðar á deilistofninum makríl og semur því hvert land fyrir sig um veiðar á hverju svæði fyrir sig.

Tengdar fréttir

Makrílveiðar

Ekki líkur á miklum makríl í lögsögunni í sumar

• Ræðir möguleika á komu makrílsins
• Munu reyna til hins ýtrasta að ná samkomulagi
• Samkomulag um ráðgjöf en ekki um veiði
• Leggja til 24% samdrátt í síldarkvóta

» Fleiri tengdar fréttir