Fyrirspurn Persónuverndar í skoðun

Icelandair er að fara yfir spurningar Persónuverndar varðandi jafningjamat fyrirtækisins sem það tók upp í síðustu viku.

Frétt af mbl.is

Flugfreyjur meti hver aðra með snjallforriti

Félagið mun svara fyrirspurn Persónuverndar á næstu vikum og tekur fram að smáforritið sem heldur utan um matið hafi verið þróað með persónuverndarlöggjöf til hliðsjónar.

Þetta kemur fram í skriflegu svari flugfélagsins við fyrirspurn mbl.is. 

Hóf frumkvæðisathugun í gær

Persónuvernd hóf í gær, 19. maí, frumkvæðisathugun á vinnslu persónuupplýsinga um flugfreyjur og þjóna Icelandair eftir að, eins og var nefnt hér fyrir ofan, fyrirtækið tók upp nýtt snjallforrit sem gerir áhöfninni kleift að gera jafningjamat á vinnufélögum sínum í starfi, í gegnum smáforrit.

Samkvæmt upplýsingum frá Icelandair er um að ræða valfrjálst jafningamat, endurgjöfin sé fyrst og fremst hugsuð fyrir starfsfólki sjálft en verður til hliðsjónar í almennu frammistöðumati.

Smáforritið sé í þróun í góðu samstarfi við starfsfólk og hefur þegar tekið breytingum. Ekki er talin ástæða fyrir því að hætta notkun smáforritsins á meðan á athuguninni stendur.

• Blogga um frétt