Harry fær hamingjuóskir þrátt fyrir ósætti
Setja bókamerki
Harry Bretaprins fagnar 37 ára afmæli í dag, miðvikudaginn 15. september, fjarri fjölskyldu sinni en prinsinn flutti til Kaliforníu í fyrra. Ósætti hefur verið á milli prinsins og annarra í fjölskyldunni en það kom ekki í veg fyrir að Vilhjálmur bróðir hans og Katrín mágkona hans óskuðu honum til hamingju með afmælið.
„Til hamingju með afmælið Harry prins,“ stendur við mynd af Harry á samfélagsmiðlum hertogahjónanna af Cambridge.
Harry býr í Bandaríkjunum með Meghan eiginkonu sinni og tveimur börnum en yngra barnið kom í heiminn í sumar. Samband bræðranna er talið hafa versnað í kringum brúðkaup Harry og Meghan árið 2018. Ekki bætti úr skák að Harry ákvað að segja sig frá skildum bresku konungfjölskyldunnar og mæta svo í viðtal með eiginkonu sinni til Opruh Winfrey í mars. Þar sökuðu þau fjölskylduna meðal annars um kynþáttahatur.
Skoða að taka upp gjaldskyldu á notkun nagladekkja
Flugvél Icelandair til Glasgow snúið við
Meti umsóknir um ríkisborgararétt
Baldur: Það má ekki gelda embættið
„Dómurinn hefur ríkt fordæmisgildi“
Ástand Ficos stöðugt en „mjög alvarlegt“