Pep Guardiola, stjóri Manchester City, gæti unnið fyrir lið Palermo einn daginn segir stjórnarformaður félagsins, Ferran Soriano.
Soriano er stjórnarformaður eigendafélags Man City sem hefur nú fest kaup á Palermo í ítölsku B-deildinni.
Þetta er 12. félagið sem félagið festir kaup á en Man City er það besta og eitt það allra besta í Evrópu.
Guardiola hefur spurt út í veðrið í Palermo og hver veit hvort hann haldi til landsins einn daginn.
Guardiola hefur aldrei þjálfað á Ítalíu en hefur reynt fyrir sér á Spáni, í Þýskalandi og Englandi.
,,Hann spyr hvort það sé sól í Palermo. Kannski mun hann vinna hérna einn daginn,“ sagði Soriano.
,,Hann þekkir alla okkar starfsemi og þekkir ítalska boltann líka vel. Eins og aðrir þá er hann spenntur fyrir verkefninu.“