Fleiri útgerðir birta listana
Karítas Ríkharðsdóttir
Setja bókamerki
Útgerðirnar Ísfélag Vestmannaeyja og Fisk Seafood hafa báðar birt á heimasíðum sínum lista yfir fjárhagslegar upplýsingar.
Greint var frá því á 200 mílum á dögunum að Vinnslustöðin í Vestmannaeyjum hefði birt lista yfir fjárfestingar félagsins í atvinnulífinu, þá sérstaklega félögum sem ekki hafa útgerð með höndum á síðustu 10 árum í samræmi við skýrslubeiðni Hönnu Katrínar Friðriksson, þingmanns Viðreisnar.
Nú hafa Ísfélagið og Fisk gert slíkt hið sama. Auk þeirra eru tvö stór sjávarútvegsfyrirtæki á Íslandi þegar á markaði í Kauphöll Íslands, Brim og Síldarvinnslan, og lúta þar af leiðandi ríkari kröfum um gagnsæi varðandi fjárfestingar.
Ekkert að fela
„Þetta er náttúrlega allt aðgengilegt, ef fólk nennir að skoða það þá hefur fólk alltaf getað séð þetta á heimasíðu skattsins. Þetta er sambærilegt við það sem Vinnslustöðin birti og það sem skatturinn mun birta í skýrslu sinni,“ segir Stefán Friðriksson, framkvæmdastjóri Ísfélags Vestmannaeyja, í samtali við 200 mílur um birtinguna.
Hann segir útgerðir ekki hafa talað sig saman um birtinguna.
„Þetta eru engin leyndarmál. Fyrirtækjum var bent á að þetta væri möguleiki og svo leiddi eitt af öðru. Þegar umræðan er farin að snúast um hvort skatturinn sitji á þessu eða ekki er spurningin orðin pólitísk en ekki til upplýsingar,“ segir Stefán.
Þakklátur Kínverjum fyrir friðarumleitanir
Guðmundur Fertram tilnefndur
Opin fyrir almennri kosningu biskups
Samþykkt kaup á fasteignum að virði 52 milljarða
„Dómurinn hefur ríkt fordæmisgildi“
Skoða að taka upp gjaldskyldu á notkun nagladekkja
Meti umsóknir um ríkisborgararétt