Inter upp í þriðja sæti - Andri spilaði

Inter Mílanó er komið upp í þriðja sæti ítölsku A-deildarinnar í fótbolta eftir 2:0-sigur á Genoa á útivelli í kvöld. Romelu Lukaku og Danilo D'Ambrosio gerðu mörk Inter. 

Inter er með tíu stig, einu stigi á eftir Sassuolo í öðru sæti og tveimur á eftir grönnunum í AC Milan sem eru í toppsætinu. 

Lazio hafði betur gegn Bologna á heimavelli, 2:1. Luis Alberto og Ciro Immobile gerðu mörk Lazio áður en Lorenzo De Silvestri minnkaði muninn fyrir Bologna í uppbótartíma.

Andri Fannar Baldursson byrjaði á varamannabekk Bologna og lék síðustu 20 mínúturnar. 

• Blogga um frétt