Gylfi Þór Sigurðsson gulltryggði 2:0-sigur Everton á Liverpool í ensku úrvalsdeildinni í fótbolta á Anfield í kvöld. Sigurinn var sá fyrsti hjá Everton á útivelli gegn Liverpool síðan 1999.
Gylfi Þór Sigurðsson byrjaði á varamannabekk Everton en kom inn á fyrir André Gomes á 59. mínútu.
Innkoma Gylfa hafði góð áhrif á Everton því á 83. mínútu náði Dominic Calvert-Lewin í vítaspyrnu. Gylfi fór á punktinn, skoraði af öryggi og innsiglaði sigur bláa liðsins í Bítlaborginni.
Svipmyndir úr leiknum má sjá í spilaranum hér fyrir ofan en mbl.is færir ykkur efni úr enska boltanum í samvinnu við Símann sport.