Úgandamaðurinn Elvis Bwomono er kominn með leikheimild með ÍBV og mun leika með liðinu í Bestu deild karla í knattspyrnu í sumar.
Þessi 23 ára gamli bakvörður á 116 leiki í C og D-deild Englands með Southend en þar vann hann með Hermanni Hreiðarssyni þjálfara ÍBV. Hann hefur verið án félags síðan hann yfirgaf Southend á síðasta ári.
Þá á hann einnig tvo landsleiki fyrir Úganda.