Síldarvinnslan veitti á síðasta ári styrki að 47,5 milljónum króna. Mest til íþrótta- og æskulýðsstarfs eða 16,2 milljónir króna auk þess sem heilbrigðistengd málefni hlutu 9,5 milljónir króna og björgunarsveitir 9,2 milljónir, en þar af voru 8 milljónir vegna skriðufallanna á Seyðisfirði. Þetta er meðal þess sem fram kemur í samfélagsskýrslu fyrirtækisins.

Þá var félagasamtökum veittar 5,3 milljónir, 2,1 milljón var úthlutað til menningarmála, 1,7 milljónir til menntamála og 3,5 milljónir til ýmsa annarra verkefna. Styrkirnir hafa verið með beinum fjárframlögum, gjöfum eða kaupum á auglýsingum.

Frétt af mbl.is

Veitti VA tækjakost til kennslu að gjöf

„Það hefur því alltaf verið lögð mikill áhersla á að taka þátt í uppbyggingu samfélagsins með veitingu styrkja til góðra málefna og ýmissa samtaka. […] Í þessu sambandi má helst nefna styrki til björgunarsveita og Fjórðungssjúkrahússins í Neskaupstað en sjúkrahúsið hefur verið styrkt til tækjakaupa og hefur það aukið þjónustu og öryggi íbúa. Síldarvinnslan hefur einnig styrkt starfsemi Verkmenntaskóla Austurlands til kaupa á tækjum sem nýtast í kennslu. Æskulýðsstarf er styrkt árlega og einnig stakir viðburðir. Íþróttafélög eru styrkt á hverju ári og fer oftar en ekki mesta fjárframlagið til þess málaflokks,“ segir í skýrslunni.

Tengdar fréttir

Síldarvinnslan

Samfélagsspor Síldarvinnslunnar yfir 10 milljarðar

• Þorsteinn Már skaut föstum skotum á SKE
• Síldarvinnslan með 10 milljarða hagnað
• SKE fer offari
• SKE rannsakar Samherja og Síldarvinnsluna

» Fleiri tengdar fréttir

• Blogga um frétt