Horsens hafði betur gegn Vejle, 3:1, í dönsku úrvalsdeildinni í fótbolta í dag.
Kjartan Henry Finnbogason, sem kom til Horsens frá Vejle fyrir tímabilið, skoraði annað mark Horsens á 41. mínútu, en framherjinn átti stóran þátt í að Vejle komst upp í deild þeirra bestu á síðustu leiktíð.
Markið var það fyrsta sem Kjartan skorar á leiktíðinni en hann gerði 17 mörk í 30 leikjum með Vejle á síðustu leiktíð. Hann fór af velli á 87. mínútu og í staðinn kom Ágúst Eðvald Hlynsson í sínum fyrsta leik með Horsens.
Ekki hefur gengið sem skildi hjá Horsens á leiktíðinni og var sigurinn sá fyrsti í tíu leikjum. Liðið er með sex stig í ellefta sæti af tólf liðum.