Skólahald á Egilsstöðum fellur niður vegna smits
Setja bókamerki
Staðfest smit kom upp á Austurlandi í dag. Þar sem hinn smitaði tengist tveimur grunnskólum á Egilsstöðum, Egilsstaðaskóla og Fellaskóla, fellur skólahald þar niður á morgun.
Þetta kemur fram í tilkynningu frá aðgerðastjórn Austurlands.
„Viðkomandi er með væg einkenni og í einangrun en nýtur eftirlits og ráðgjafar COVID-teymis Landspítala og heilbrigðisstarfsfólks HSA,“ segir þar um hinn smitaða.
Nú stendur smitrakning yfir. Gera má ráð fyrir að einhverjir þurfi í sóttkví vegna þessa en óljóst enn hversu margir og hverjir.
Foreldrum barna í Egilsstaðaskóla og Fellaskóla verða send skilaboð í kvöld þar sem niðurfelling skólahalds verður tilkynnt formlega.
„Þess er vænst að ráðstöfunin varðandi niðurfellingu skólahalds verði einungis í gildi á morgun. Hún er tekin í öryggisskyni þar sem smitrakningu er ólokið. Um leið og mál skýrast munu þau kynnt á þessum vettvangi. Næstu skilaboð til foreldra frá skólastjórnendum ættu og að liggja fyrir eigi síðar en um hádegi á morgun,“ segir í tilkynningunni.
Tveir milljarðar tapast vegna vatnsskorts
Lyklakippur gegn ofbeldi
Átta létust og 229 slösuðust alvarlega
Ráðherrar taki „lúku úr ríkiskassanum“
Fólk í kosningateymi Höllu fékk milljónir frá OS
Stjórnvöld hafa tvo mánuði til að bregðast við
Stofna framkvæmdanefnd um málefni Grindavíkur
