Barcelona kennir regluverki La Liga deildarinnar um það að félagið setji 70 milljóna punda verðmiða á Frenkie de Jong.
Barcelona vill selja hollenska miðjumanninn til Manchester United en enska félagið vill borga 60 milljónir punda.
Viðræður hafa staðið yfir undanfarið en búist er við að félögin nái á endanum saman.
ESPN segir frá því að Barcelona verði að fá 70 milljónir punda en félagið er í miklum fjárhagslegum vandræðum.
Félagið má aðeins eyða þriðjungi af þeirri upphæð sem félagið selur fyrir og sama gildir um launapakka félagsins.
Börsungar vilja ólmir selja De Jong til að fjármagna kaup á Robert Lewandowski framherja FC Bayern.