fbpx
Miðvikudagur 08.maí 2024
Fréttir

Starfsemi gas- og jarðgerðarstöðvar Sorpu gæti stöðvast í allt að heilt ár

Björn Þorfinnsson
Laugardaginn 25. september 2021 09:01

GAJA, gas- og jarðgerðarstöð Sorpu við Álfsnes. Mynd: Sigtryggur Ari.

Ekki missa af Helstu tíðindum dagsins í pósthólfið þitt

Lesa nánar

Starfsemi í gas- og jarðgerðarstöð Sorpu, GAJA, gæti verið stopp í allt að ár vegna þeirra mistaka og galla sem hafa komið upp síðan stöðin hóf rekstur sinn síðasta sumar. Þetta kemur fram ítarlegri umfjöllun um starfsemi stöðvarinnar í nýjasta tölublaði Stundarinnar. Þar er stiklað á stóru í þeirri pólitísku harmsögu sem bygging stöðvarinnar og hvernig hörmulegir rekstrarmenn og óhæfir stjórnmálamenn hafa kostað skattgreiðendur stórfé. Allar viðvörunarraddir, sem voru fjölmargar, voru hunsaðar og afleiðingarnar hrikalegar.

Eins og greint var frá þann 15. september síðastliðinn þá greindist myglugró í límtréseiningum í þaki og burðarvirki GAJU í ágústmánuði og var starfsemi stöðvarinnar stöðvuð tímabundið. Sú stöðvun gæti hins vegar varað lengur eða í allt að ár en það hefur Stundin eftir  Jóni Viggó Gunnarssyni, framkvæmdastjóra Sorpu. Að hans sögn mun kostnaður við endurbætur á stöðinni nema tugum milljóna króna.

Kostnaður gjörsamlega farinn úr böndunum

Upphaflega kostnaðaráætlunin við gas- og jarðgerðarstöðina var 2,8 milljarðar en fór gjörsamlega úr böndunum og nemur nú 6,1 milljarði króna. Ljóst er að bætast mun  verulega við þá tölu því samkvæmt heimildum Stundarinnar þarf að öllum líkindum að hýsa hluta starfsemi GAJU í öðru húsnæði og verði það raunin mun kostnaðurinn hlaupa á hundruð milljónum króna.

Í umfjöllun Stundarinnar kemur fram að það sé mat sérfræðinga að það sé með hreinum ólíkindum að ákveðið hafi verið að nota einingar úr límtré inni í stöðinni. Gríðarlegur raki myndast við framleiðsluferli stöðvarinnar sem og mygla í úrganginum. Það blasir því við að mygla myndi koma til með að myndast í einingum úr tré.

Þá sé loftræstingu verulega ábótavant í húsnæðinu en í umræddri grein kemur fram að bent hafði verið á þá staðreynd mörgum árum fyrr án þess að við því hafi verið brugðist.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 16 klukkutímum

98 ára úkraínsk kona gekk 10 km í skothríð til að sleppa frá Rússum – „Ég lifði síðari heimsstyrjöldina af og ég mun lifa þetta stríð af“

98 ára úkraínsk kona gekk 10 km í skothríð til að sleppa frá Rússum – „Ég lifði síðari heimsstyrjöldina af og ég mun lifa þetta stríð af“
Fréttir
Fyrir 22 klukkutímum

Sauð upp úr hjá Dóru Björt og Ragnhildi Öldu – „Það er fáránlegt hvernig þú lætur. Þetta er alveg svakalegt með þig“

Sauð upp úr hjá Dóru Björt og Ragnhildi Öldu – „Það er fáránlegt hvernig þú lætur. Þetta er alveg svakalegt með þig“
Fréttir
Fyrir 23 klukkutímum
Hera úr leik