Mótmæli gætu sett strik í reikninginn hjá Karli
Setja bókamerki
Karl III. Bretakonungur, fer í sína fyrstu opinberu heimsókn erlendis sem konungur, þegar hann heimsækir Frakkland á sunnudaginn.
Mótmæli vegna óvinsælla umbóta í lífeyrismálum gætu sett strik í reikninginn á meðan á heimsókninni stendur, en til stendur að fagna sögulegum tengslum Bretlands og Frakklands.
Mótmælendur kveiktu eld við inngang ráðhúss borgarinnar Bordeaux í gær, en Karl mun m.a. heimsækja borgina. Tæplega 150 lögreglumenn særðust víðsvegar um Frakkland í mótmælunum í gær.
Gæti þurft að breyta dagskránni
Heimsókn Karls stendur yfir í þrjá daga og svo gæti farið að breyta þurfi dagskránni á síðustu stundu vegna mótmælanna.
Óttast er að mótmælendur muni nota tækifærið og vekja athygli á óánægju sinni með ný lög Emmanuels Macrons Frakklandsforseta um hækkun eftirlaunaaldurs úr 62 árum í 64.
Karl, sem er 74 ára, og Kamilla drottning, 75 ára, ætla að ferðast um París og Bordeaux áður en förinn verður heitið til Þýskalands.
Ólíkt ákall fólks á landsbyggðinni
Þyngri refsing fyrir að nauðga stjúpdóttur æskuvinar
Laugavegur hjólaferðamannsins að fæðast
Ók á ofsahraða á móti umferð og uppi á stétt
Sennilega gróðureldur, ekki ný sprunga
Halla Hrund tekur forystu í könnun
Forsetinn líti yfir axlirnar á þingheimi