Britney Spears kveður Instagram
Setja bókamerki
Söngkonan Britney Spears hefur nú tekið ákvörðun um að loka Instagram reikningi sínum um óákveðinn tíma. Spears trúlofaðist ástmanni sínum til fimm ára, Sam Ashgari, nú á dögunum og segist hún nú vilja fá að fagna ástinni og njóta hamingjunnar í friðsæld.
Í ljósi sögu Spears-fjölskyldunnar, þar sem lögræði Britney hefur alfarið verið í höndum föður hennar, brá mörgum aðdáendum heldur betur í brún þegar þeir áttuðu sig á því að Instagram reikningur hennar væri óaðgengilegur. Stuttu áður en Spears eyddi aðgangi sínum hafði hún deilt mynd og þakkað aðdáendum sínum fyrir frelsum Britney herferðina (#Free-Britney) sem barist hefur fyrir réttlæti hennar víðs vegar um heiminn.
Söngkonan upplýsti aðdáendur sína á Twitter um stöðu mála og greindi frá ástæðunni á bakvið lokun Instagram síðu sinnar. Sannfærði hún aðdáendur sína um að það væri ekkert að óttast, hún kæmi tilbaka á Instagram fyrr en seinna.
„Ekki hafa áhyggjur, ég kem fljótlega aftur,“ sagði hún í færslunni.
Útlendingafrumvarpið á dagskrá á morgun
Aldraðir beittir ofbeldi
Urðu ekki vör við kvikuhlaup
Guðmundur Fertram tilnefndur
„Mjög miður að af þessu hljótist kostnaður“
Mannbjörg þegar strandveiðibátur sökk
„Bíð bara eftir að það fari að gjósa aftur“