Karlalandsliðið í knattspyrnu er í 62. sæti á nýjum styrkleikalista FIFA sem birtur var í morgun og fellur um tvö sæti frá því í september.
Íslenska liðið var í 46. sæti í upphafi árs og hefur því fallið niður um sextán sæti á árinu.
Besta staða liðsins frá upphafi á listanum er 18. sæti en sú versta er 131. sæti.
Belgía er í efsta sæti listans, Brasilía í öðru sæti og Frakkland í þriðja sæti.