Þrjú teymi hafa verið valin til að taka þátt í mótun göngugötuhluta Laugavegar, Vegamótastígs og Skólavörðustígs með þarfir notenda og rekstraraðila í fyrirrúmi. Þetta kemur fram í tilkynningu frá Umhverfis- og skipulagssviði Reykjavíkurborgar.
Segir í tilkynningunni að teymin komi til með að hanna götuna í samvinnu við samræmingarhönnuð verkefnisins 9 skref, DLD – Dagný Land Design ásamt því sem M/studio heldur utan um hönnunarspretti og samráð við hagsmunaaðila göngugatnanna.
Óskað var eftir þverfaglegum þriggja manna teymum í október síðastliðnum. Alls bárust fjórtán umsóknir og þrjú teymi voru valin úr þeim hópi. Teymin þrjú munu nú hanna níu svæði göngugötunnar og segir í tilkynningunni að vonast sé til að framkvæmdir geti hafist á einhverjum hlutum götunnar í lok sumars.
„Tilgangurinn með verkefninu 9 skrefum er að skipta niður svæðunum og framkvæmdum svo sem minnst rask hljótist af framkvæmdunum og skrefin séu unnin í sátt við nærumhverfið. Lögð verður áhersla á að staðarandi og leikgleði fái að njóta sín. Hugað verður sérstaklega að lausnum er varða aðgengi allra, gróðurvæðingu, útfærslu götugagna og lýsingu.“ Segir í tilkynningunni.
Hönnunarteymin sem urðu fyrir valinu: