Fram er Reykjavíkurmeistari í karlaflokki eftir sigur á bikarmeisturum Víkings í kvöld.
Leikurinn fór fram í Víkinni. Óhætt er að segja að veðuraðstæður hafi ekki verið upp á tíu.
Danijel Dejan Djuric kom Víkingum yfir strax á níundu mínútu leiksins. Liðið leiddi í hálfleik.
Framarar komu hins vegar með krafti inn í seinni hálfleik og skoraði Magnús Þórðarson tvö mörk fyrir liðið á fyrsta stundarfjórðungi hans.
Vont varð verra fyrir Víking þegar Karl Friðleifur Gunnarsson fékk að líta rauða spjaldið þegar stundarfjórðungur lifði leiks.
Fram átti eftir að skora tvö mörk í viðbót í blálokin. Þau gerðu Tryggvi Snær Geirsson og Aron Snær Ingason.
Lokatölur 4-1, Fram í vil.