Njarðvíkingar hafa samið við reyndan Króata um að leika með liðinu í Dominos-deild karla í körfuknattleik í vetur.
Sá heitir Zvonko Buljan og er 206 cm hár miðherji. Buljan er 33 ára gamall og hefur víða komið við á ferlinum. Samkvæmt tilkynningu frá Njarðvík hefur leikið í Þýskalandi, Ungverjalandi, Kýpur, Slóveníu, Grikklandi, Argentínu, Sviss, Belgíu og Rúmeníu.
Hann varð meistari í Slóveníu og hefur leikið í Evrópukeppni með nokkrum liðum.
Á háskólaárunum í Bandaríkjunum lék hann með TCU í Dallas eins og Helena Sverrisdóttir gerði.