Lionel Messi er á förum frá Paris Saint-Germain. Argentíski félagi hans Emi Martinez vill fá hann til Aston Villa.
Hinn 35 ára gamli Messi er að verða samningslaus hjá PSG og fer þá frá félaginu.
Kappinn hefur verið orðaður við Barcelona, Inter Miami og Al Hilal svo eitthvað sé nefnt.
Martinez, sem varð heimsmeistari með Messi í fyrra, er hins vegar með ansi metnaðarfull plön um að fá hann til að flytja til Birmingham og ganga í raðir Villa.
„Við drekkum, grillum í hverri viku. Ég mun grilla fyrir hann allar helgar. Ég bið fólk um að búa til litla fána fyrir hann og hann mun skemmta sér,“ sagði Martinez léttur í viðtali.
Það er nokkuð ljóst að þetta gengur ekki eftir hjá markverðinum en það má reyna.
„Ég er til í að lækka launin mín. Við gerum allt sem hægt er.“