Þur­íður Harpa Sig­urð­ar­dótt­ir, for­maður Öryrkja­banda­lags Íslands (ÖBÍ), fagnar þeirri hug­mynd Brynjars Níels­son­ar, þing­manns Sjálf­stæð­is­flokks, að bóta­svik í almanna­trygg­inga­kerf­inu verði rann­sök­uð. 

Hug­mynd­ina setti Brynjar fram í hlað­varps­þætti Sölva Tryggva­sonar og bætti við að hann vissi um fjöl­marga öryrkja sem drýgi tekjur sínar með svartri vinn­u. 

Þar sagði Brynjar einnig að sam­fé­lagið stæði ekki undir veld­is­vexti í fjölgun öryrkja. „Ef þró­unin verður þannig að á hverjum skatt­greið­anda hvílir einn öryrki og einn aldr­að­ur, þá er það orðið ansi mikið og eitt­hvað sem gengur auð­vitað ekki til lengd­ar. Ef þeim sem nettó greiða skatt heldur stöðugt áfram að fækka, þá erum við auð­vitað ekki lengur sjálf­bær og þá þarf að grípa til aðgerða, sagði Brynj­ar.

Þur­íður Harpa segir í yfir­lýs­ingu að hún taki heils­hugar undir með Brynj­ari um að skoða í kjöl­inn aðbúnað öryrkja á Íslandi. „Rann­sókn Brynjars mun þannig stað­festa að um helm­ingur þeirra sem koma nýir inn á örorku, eru konur komnar yfir fimm­tugt, slitnar á sál og lík­ama. Rann­sókn Brynjars mun líka leiða í ljós að hlut­fall öryrkja sem stundar svarta atvinnu, er svip­að, eða aðeins lægra, en hlut­fall ann­ara Íslend­inga sem vinna svart. Rann­sókn­ar­nefnd Brynjars getur kíkt í skýrslu sem geymd er í skrif­borðs­skúffu fjár­mála­ráð­herra, sem sýnir að sam­fé­lag okkar verði af 87 til ríf­lega 200 millj­örðum á ári vegna skattsvika. ­Rann­sókn Brynjars mun stað­festa að öryrkjar eru þar ekki ráð­andi afl.

Rannsóknin mun líka leiða í ljós að Brynjar mis­skilur hug­takið veld­is­vöxt­ur, sem er þó okkur Íslend­ingum mjög ofar­lega í huga þessi miss­er­in. Ef öryrkjum fjölg­aði í veld­is­vexti væri öll þjóðin orðin öryrkjar innan skamms tíma, Brynjar þar með­tal­inn. Stað­reynd­in, sem rann­sókn Brynjars mun stað­festa, er að hægt hefur á fjölgun á örorku, og reyndar hefur fækkað í hópi öryrkja síð­ustu ár.“

Rann­sókn Brynjars muni leiða í ljós háu girð­ingar sem hann og sam­starfs­fólk hans hafi reist um atvinnu­þátt­töku öryrkja, og leitt hefur til þess að fæstir innan þeirra ráða sjá sér haf í að reyna fyrir sér á vinnu­mark­aði. Ástæða þess sé sú að fyrir hverjar 100 þús­und krónur sem þeir geta aflað sér þar sitji eftir tólf þús­und krónur í vasa öryrkja þegar skerð­ingar og skattar hafi verið tekin með í reikn­ing­inn. Þrátt fyrir þetta séu þriðj­ungur öryrkja á vinnu­mark­aði og rétt tæp­lega 40 pró­sent þess hóps er í fullu starf­i. 

Þur­íður Harpa segir þó enga rann­sókn þurfa til að sjá „hve miklir for­dómar og andúð eru enn ríkj­andi í sam­fé­lagi okkar í garð fatl­aðs fólks, og ótrú­leg til­viljun að það skuli stað­fest­ast með þessum hætti á alþjóð­legum degi fatl­aðs fólks,“ en sá dagur er í dag, 3. des­em­ber.