Í gær greindi DV frá því að Diljá Sigurðardóttir hafi verið rekin upp úr Sky Lagoon sökum þess að hún var berbrjósta í lóninu. Fréttir um málið hafa vakið mikla athygli á samfélagsmiðlinum Twitter en þar má sjá marga furða sig á skilmálum Sky Lagoon og tvískinnungnum sem í þeim er að finna.
„Eina sem stóð um klæðaburð sundgesta var að þeir þyrftu að vera í sundfötum, og hey – ég VAR í sundfötum. Ég var ekki í topp, en það stendur heldur ekkert um að neinir gestir þurfi að vera í topp. Ekki var Franz í topp,“ sagði Diljá um málið í gær.
Þegar Diljá og kærasti hennar höfðu verið í lóninu í um það bil hálftíma kom starfsmaður upp að þeim og sagði Diljá að hún þyrfti að vera í bikinítopp. „Ég segi honum að það sé ekkert sem standi um það í skilmálunum, plús að það stangist á við lög á mismuna fólki eftir kyni. Hann nær í framkvæmdarstjórann, sem segir að ég þurfi að fara í topp, annars muni STARFSMENN FYLGJA MÉR UPP ÚR.“
DV ræddi við Dagný Pétursdóttur, framkvæmdastjóra Sky Lagoon, um málið en hún vildi meina að ekki væri verið að mismuna með skilmálunum. „Við erum svosem ekki að mismuna þannig lagað. Þetta er erfitt því það er mikil nekt,“ sagði Dagný í samtali við blaðamann.
„Það sem við gerðum á sínum tíma þegar við vorum að velja skilmálana var að segja sundföt. Við fórum þennan gullna meðalveg sem okkur fannst við verða að gera. Þetta er dálítið erfitt fyrir rekstraraðila eins og okkur því við erum að taka á móti gestum alls staðar að. Við erum bæði líka að vernda aðra baðgesti, það eru allir með myndavélar og svoleiðis. Þetta er þessi gullni meðalvegur sem við fórum í sem er bara áhættuminni en hin ákvörðunin sem við hefðum getað tekið.“
Óhætt er að segja að málið hafi vakið upp miklar umræður á samfélagsmiðlinum Twitter en þar eru margir hissa á að skilmálar Sky Lagoon séu á þessa leið. Fjöldi fólks furðar sig á því að konum er skylt að vera í topp, sérstaklega í ljósi #FreeTheNipple byltingarinnar sem reið yfir landið fyrir 6 árum síðan.
Svo virðist vera sem ný #FreetheNipple bylgja sé í startholunum vegna frétta af málinu en ljóst er að fólk er þreytt á því að þetta sé ennþá vandamál í dag. „Sorglegt að #FreeTheNipple er ekki komið lengra en þetta! Vona innilega að brátt muni Sky Lagoon fyllast af fólki af öllum kynum berum af ofan,“ segir til að mynda einn netverji um málið.
Adda Þóreyjardóttir Smáradóttir, sem kom #FreetheNipple byltingunni af stað hér á landi árið 2015, deilir svo sinni skoðun á málinu á Twitter-síðu sinni.
Litla ruglið, kommon Sky lagoon https://t.co/CEih0jFMFX
— Adda (@addathsmara) July 17, 2021
Leikkonan Saga Garðarsdóttir er einnig á meðal þeirra sem tjá sig um málið en hún leggur til að farið verði í berbrjósta hópferð í lónið. Saga lék í #FreeTheNipple atriði áramótaskaupsins fyrir nokkrum árum þar sem gert var grín að fáránleikanum við það að konur megi ekki vera berar að ofan í sundi. Saga bað netverja um að finna atriðið fyrir sig og deildi því svo áfram.
Sky Lagoon hópferð sem fyrst https://t.co/eZJfQ9dueG
— Saga Garðarsdóttir (@harmsaga) July 18, 2021
Nú hlakka ég fyrst til að fara í Sky Lagoon og vera á brjóstunum. Mana þau til að draga mig úr pottinum. Tekur minnst hálftíma. Ég er svo löng.
— Saga Garðarsdóttir (@harmsaga) July 17, 2021
Fleiri konur taka í sama streng og Saga og segjast ætla að fara berar að ofan í lónið. Íþróttakonan, aktívistinn, áhrifavaldurinn og hlaðvarpsstjórnandinn Edda Falak segir til að mynda að Saga þurfi bara að koma með dagsetningu og þá mæti hún með.
dagsetning and I am there
— Edda Falak (@eddafalak) July 18, 2021
Hver vill gefa mér far og vera memm topless í sky lagoon á morgun/í dag?
— Júlíana ☠️Dauðyfli🔨🗡 (@julianakrjo) July 18, 2021
Ég er á leiðinni berbrjósta í sky lagoon☺️☺️.. hver er með? https://t.co/gKZsRvui66
— Helga Malen (@hel9amal3n) July 17, 2021
Hér fyrir neðan má svo sjá hvað fleiri Íslendingar hafa um málið að segja á Twitter.
Veit ekki hvort er grátlegra viðbrögðin hjá Sky Lagoon eða kommentin undir fréttunum um stóra búbbu málið 🤔
— Salka Sól Eyfeld (@salkadelasol) July 18, 2021
það er svo heimskulegt að reyna að hlífa ferðamönnum "frá öðrum menningarheimum" (???) frá brjóstum, er fólk ekki einmitt að ferðast til annara landa til að upplifa aðra menningarheima? þú ferð ekki til útlanda og byrjar að heimta að allir þar fylgi siðgæðareglum heimalands þíns?
— ⚔️e'bеt 🇵🇸 (@jtebasile) July 18, 2021
Hversu stór mega brjóst á körlum vera áður en þeim er vísað úr Sky Lagoon fyrir að móðga gjaldeyrinn?
— 🇵🇸 Tinna, öfgafemínisti 💥 (@tinnaharalds) July 18, 2021
Fávitar: já haha bara má ekkert lengur haha allir svo viðkvæmir haha svona er lífið þýðir ekki að vera aumingi
Sömu fávitar: ég vil ekki að konur séu berar að ofan í sundi því þá fæ ég standbínu í tybbið :c— 🕷 (@skolledla) July 18, 2021
Spáið í þeirri mannleysu að gjörsamlega æla yfir sig af uppnámi yfir því að sjá öðruvísi geirvörtur en þú ert vanur í sundi
— stefan.vigfusson@gmail.com (@SVigfusson) July 18, 2021
Ok, shit.. ég fer alltaf ber að ofan í sund, hvernig virkar þetta Sky Lagoon??? pic.twitter.com/KHQbxperVy
— Steinn E. Sigurðarson (@steinnes) July 18, 2021
Góða kvöldið til allra nema þeirra sem geta ekki hætt að spá í líkömum annarra einstakling í sundi
— Anna Guðjónsdóttir (@annagaua) July 17, 2021
Fór í Sky Lagoon fyrir 10 dögum með 2 vinkonum. Sé eftir því að hafa verið í brjóstahaldara 😖 #freethenipple
— Helga D. Isfold S. (@Hamingjan) July 18, 2021
Væri til í að fara í svona í Sky Lagoon.. pic.twitter.com/QhYLPmldm6
— Hildur Helgadóttir (@grildur) July 18, 2021
Þessi steinaldarhugsunarháttur Sky Lagoon gerir mig ekki beint spenntan fyrir að láta þau hafa peningana mína… En satt best að segja var ég aldrei sérlega pepp í að borga 10k til að fara í sund í iðnaðarhverfi einhverstaðar lengst út á Kársnesi 🤷♀️
— Sindri Þór (@sindri8me) July 18, 2021
Ég er að hringja í Sky lagoon til að spyrja hvort ég megi koma þangað ber að ofan því ég get girt brjóstin ofan í nærbuxurnar og þannig er ólíklegra að ég ögri gröðum mönnum.
— Þórdís Gísladóttir (@thordisg) July 18, 2021
Ég og boys í Sky Lagoon á morgun: pic.twitter.com/bAm2oYmHa2
— Jón Bjarni🇵🇸 (@jonbjarni14) July 17, 2021
Þessi pæling með að hlífa ferðamönnum frá brjóstum, af því túristar koma frá öðrum menningarheimum: Hugsa til þess þegar fjölskyldan fór til Tanzaníu og meðal annars á veiðar með Hadzabe fólki. Hefði verið svo fyndið ef tourgædarnir hefðu skikkað kvenfólkið að fara í boli 🤪
— Hlynur Hallgrímsson (@hlynur) July 18, 2021
"Í okkar skilmálum er fólk beðið um að vera í sundfötum, þessum hefðbundnu sundfötum" segir framkvæmdastjóri Sky Lagoon pic.twitter.com/T7BbaHYQpK
— Ernir Þorsteinsson (@EirikurErnir) July 18, 2021
En mætti ég fara svona í Skylagoon? pic.twitter.com/GOlhEAuZ8M
— Margrét Erla Maack (@mokkilitli) July 18, 2021
Jæja. Pantaði sundföt á okkur hjónin svo við getum farið í Sky Lagoon pic.twitter.com/dozagOlIGX
— Þórarinn Hjálmarsson CM!OB (@thorarinnh) July 18, 2021
Það eru karlar með stærri brjóst en ég sem yrðu ekki reknir úr Sky Lagoon.
— Sandra Ósk Jóhannsdóttir (@sandra_johanns) July 18, 2021
