Líftæknifyrirtækið Alvotech kynna fyrirhugaða hliðstæðu lyfsins Stelara, á ársþingi bandarískra húðsjúkdómalækna í New Orleans, í dag.
Stelara er líftæknilyf við ýmsum algengum ónæmis og bólgusjúkdómum, þar á meðal svæðisgarnabólgu, betur þekkt sem Crohns-sjúkdómur, og psoriasis, að því er fram kemur í tilkynningu.
Lyfið, AVT04, var nýlega tekið til skoðunar af bandaríska lyfjaeftirlitinu (FDA) og bíður fyrirtækið nú niðurstaða frá eftirlitinu um hvort lyfið hljóti markaðsleyfi þar í landi.
Í kynningu Alvotech á rannsókn um virkni, öryggi og þolanleika AVT04 lyfsins, sé jafngild virkni Stelara. Rannsóknir á lyfinu voru bæði gerðar á einstaklingum sem þjást af psoriasis og á heilbrigðum einstaklingum.
Líftækni er tækni sem gerir það mögulegt að nota lífverur til að framleiða nýjar afurðir eða breyta náttúrulegum ferlum.
Alvotech, sem var stofnað af Róberti Wessman, vinnur að þróun átta líftæknilyfjahliðstæða sem nýst geta sjúklingum með sjálfsofnæmis-, augn- og öndunarfærasjúkdóma, beinþynningu eða krabbamein.