Aganefnd KSÍ úrskurðaði í dag sex leikmenn Pepsi Max-deildar karla í fótbolta í eins leiks bann fyrir að safna fjórum gulum spjöldum í deildinni í sumar.
Kjartan Henry Finnbogason, leikmaður KR, leikur ekki með liðinu gegn Fylki á mánudaginn kemur. Orri Sveinn Stefánsson verður ekki í vörn Fylkis af sömu ástæðu.
FH leikur án Péturs Viðarssonar gegn ÍA á sunnudaginn á meðan Jón Gísli Eyland Gíslason verður ekki með Skagamönnum.
Þá verður KA án Dusan Brkovic gegn Leikni á sunnudag og Víkingur úr Reykjavík án Erlings Agnarssonar gegn Stjörnunni á sunnudaginn kemur.