Hættusvæðið stækkað
Setja bókamerki
Hættusvæðið umhverfis gosstöðvarnar hefur verið uppfært vegna breytinga á gosvirkni í Geldingadölum.
Öflugir kvikustrókar ná nú 200 til 300 metra hæð yfir yfirborð og mynda gjósku sem berst frá gosupptökum en 5 til 15 sentímetra bombur úr kvikustrókum hafa fundist nokkur hundruð metra frá virkum gíg, segir í tilkynningu frá lögreglunni á Suðurnesjum.
Líkanreikningar úr módelinu Eject og upplýsingar úr mörkinni hafa verið notuð til að draga útlínur nýs hættusvæðis þar sem bomburnar úr kvikustrókunum geta verið lífshættulegar.
Hættusvæði af völdum bomba er metið 400 metra radíus umhverfis gíg í logni og radíus eykst í 650 metra ef vindur er 15 metrar á sekúndu. Gjóskufall fylgir vindátt og minni korn geta fallið utan skilgreinds hættusvæðis 3, segir í tilkynningunni.
Um 60 skjálftar í kvikuganginum
Um 60 skjálftar – Landris heldur áfram
Mengað jarðefni geymt á Sævarhöfða
Kostnaður meira en 100-faldast
Rússar taldir undirbúa árásir gegn Vesturlöndum
Einn alvarlega slasaður eftir umferðarslys
Beitti piparúða og kylfu – Tveir á slysadeild