Völsungur komst í þriðja sætið í úrvalsdeild kvenna í blaki í gær með því að sigra Þrótt úr Reykjavík, 3:1, á heimavelli sínum á Húsavík.
KA er með 20 stig, Álftanes 17, Völsungur 16 og Afturelding 15 stig í fjórum efstu sætum deildarinnar.
Þróttur var yfir nánast alla fyrstu hrinuna þar til Völsungur jafnaði undir lokin í 24:24 og vann að lokum 26:24.
Völsungur vann aðra hrinu 25:22, Þróttur þá þriðju 25:19 og Völsungur tryggði sér sigurinn með því að vinna fjórðu hrinu örugglega, 25:13.
Stigahæstar í liði Völsungs voru Nikkia Benitez með 17 stig og Shelby Pullins með 13 og í liði Þróttar var það Eldey Hrafnsdóttir með 14 stig og Arna Védís Bjarnadóttir með 9.