Knattspyrnumaðurinn Tómas Bent Magnússon hefur framlengt samning sinn við ÍBV til næstu þriggja ára.
Þetta tilkynnti félagið á heimasíðu sinni í dag en Tómas Bent, sem er tvítugur, er uppalinn hjá félaginu.
Alls á hann að baki 12 leiki í efstu deild en hann lék tíu leiki með ÍBV í Bestu deildinni síðasta sumar.
„Knattspyrnuráð er mjög ánægt með að hafa tryggt sér krafta Tómasar þrjú næstu árin,“ segir meðal annars í tilkynningu Eyjamanna.