Vålerenga hafði betur gegn Røa, 2:0, á heimavelli í 2. umferð í norsku úrvalsdeildarinnar í fótbolta í dag. Ingibjörg Sigurðardóttir lék allan leikinn með Vålerenga og lagði upp annað markið.
Vålerenga tapaði á útivelli gegn Sandviken í fyrstu umferðinni og var sigurinn sá fyrsti á leiktíðinni hjá Ingibjörgu og samherjum hennar.
Ingibjörg gekk í raðir Vålerenga frá Djurgården Í Svíþjóð fyrir leiktíðina. Hefur hún leikið 30 A-landsleiki á ferlinum, en hún er uppalin hjá Grindavík. Lék hún með Grindavík og Breiðabliki áður en hún hélt í atvinnumennsku.