Tók reiði sína út á dauðum hlutum í sjoppu

Lögreglu var tilkynnt um einstakling sem „tók út reiði sína á dauðum hlutum í sjoppu“ í Breiðholti í dag. Meira kemur ekki fram í tilkynningu um málið.

Dagurinn virðist hafa verið tiltölulega rólegur hjá Lögreglunni á höfuðborgarsvæðinu. Tilkynnt var um þjófnaði í nokkrum verslunum í miðbænum og í Háaleitis- og Bústaðahverfinu, ásamt því sem tilkynnt var um tvo stráka sem héngu í brúnni við Miklubraut.

Bifreið var ekið um skólalóð í Grafarholti og var lögreglu tilkynnt um málið. Í sama hverfi stóð lögregla einstakling að ölvunarakstri.

• Blogga um frétt