Frjálsíþróttafólkið Erna Sóley Gunnarsdóttir og Hilmar Örn Jónsson voru útnefnd frjálsíþróttafólk ársins á uppskeruhátíð FRÍ í Laugardalshöll á dögunum.
Hilmar átti stórt og viðburðaríkt ár en hann vann sterkt mót í Halle í Þýskalandi og þá keppti hann á HM sem fór fram í Eugene, Oregon.
Hann kastaði sig inn í úrslit á Evrópumeistaramótinu í München með sínu öðru lengsta kasti á ferlinum. Þá endaði hann efstur Íslendinga á stigalista Alþjóðasambandsins eftir tímabilið.
Erna Sóley, sem keppir í kúluvarpi, setti Íslandsmet utanhúss á árinu þegar hún varpaði kúlunni 17,29 metra. Hún varð Norðurlandameistari U23 og svæðismeistari innan-og utanhúss í Bandaríkjunum þar sem hún stundar nám.
Hún keppti á sínu fyrsta stórmóti þegar hún tók þátt á Evrópumeistaramótinu sem fór fram í München.
Önnur verðlaun á uppskeruhátið FRÍ:
Stigahæsta afrek ársins samkvæmt stigatöflu WA:
Guðni Valur Guðnason – 1157 stig fyrir 65,27 m í kringlukasti
Besta spretthlaupsafrek (Jónsbikar):
Guðbjörg Jóna Bjarnadóttir – Náði stigahæsta afreki í spretthlaupi; 24,05 sek. í 200 m innanhúss.
Stökkvari ársins kvenna:
Irma Gunnarsdóttir – Íslandsmeistari í bæði þrístökki og langstökki.
Stökkvari ársins karla:
Kristján Viggó Sigfinnson – Stökk 2,20 m innanhúss og var annar á Heimsafrekaskrá U20 innanhúss 2022.
Millivegalengdahlaupari ársins kvenna:
Aníta Hinriksdóttir – Hljóp á 2:05,20 mín. í 800 m innanhúss sem er stigahæsta afrek konu 2022.
Millivegalengdahlaupari ársins karla:
Baldvin Þór Magnússon – Frábært tímabil í Bandaríkjunum. Hann komst í úrslit á HM innanhúss í 3000 m.
Fjölþrautarkona ársins:
María Rún Gunnlaugsdóttir – Besti árangur kvenna í þraut.
Fjölþrautarkarl ársins:
Dagur Fannar Einarsson – Besti árangur karla í þraut.
Óvæntasta afrekið:
Daníel Ingi Egilsson – Stekkur 15,31 m í þrístökki á NM U23 sem er besti árangur Íslendings í 60 ár.
Þjálfari ársins:
Pétur Guðmundsson – Þjálfari Guðna Vals og Ernu Sóleyjar.
Besta afrek 30 ára og eldri karla:
Jón Bjarni Bragason – Fékk silfur í kastþraut á HM masters í Tampere.
Besta afrek 30 ára og eldri kvenna:
Jóna Dóra Óskarsdóttir – Komst í úrslit í 800 m hlaupi á HM masters í Tampere.
Piltur ársins 19 ára og yngri:
Guðjón Dunbar Diaquoi Þorsteinsson – Hann keppti á EM U18 í þrístökki þar sem hann bætti sinn persónulega árangur. Hann sýnir hugafar grósku ásamt því að ná góðum árangri.
Stúlka ársins 19 ára og yngri:
Ísold Sævarsdóttir – Hún hefur náð glæsilegum árangri í mörgum greinum og varð í fjórða sæti á EYOF í sjöþraut.
Hvatningarverðlaun unglingaþjálfara:
Bergur Ingi Pétursson – Tekur að sér þjálfun á íþróttamönnum óháð í hvaða félagi þau eru í.
Óvæntasta afrek 19 ára og yngri:
Þorvaldur Gauti Hafsteinsson – Átti frábært tímabil og náði glæsilegum tíma í 800 m hlaupi fyrir 15 ára pilt.
Götuhlaupari ársins og langhlaupari ársins karla:
Hlynur Andrésson – Sigur í hálfmaraþoni í Reykjarvíkurmaraþoninu í mjög krefjandi aðstæðum og besti árangur í 10 km götuhlaupi frá upphafi í Valencia.
Götuhlauparar ársins kvenna:
Sigþóra Brynjarsdóttir – Náði fjórða besta tíma frá upphafi í hálfmaraþoni kvenna í Kaupmannahöfn og varð fyrst íslenskra kvenna í 10 km hlaup kvenna í Reykjavíkurmaraþoni. Hún varð Íslandsmeistari í hálfmaraþoni kvenna 2022.
Utanvegahlaupari ársins karla:
Arnar Pétursson – Sigur í Laugarvegshlaupinu og annar besti tími frá upphafi í hlaupinu.
Utanvegahlaupari ársins og langhlaupari ársins:
Andrea Kolbeinsdóttir – Besti tími sögunar hjá konum í Laugavegshlaupinu og brautarmet kvenna. Jafnframt er hún eina konan sem hefur hlaupið undir fimm tíma. Hún varð Íslandsmeistari í maraþoni kvenna 2022. Frábær árangur á HM í utanvegahlaupum.
Nefnd ársins:
Langhlaupanefnd.
Hópur ársins:
EM Munchen.
Frjálsíþróttakraftur ársins:
Landslið í utanvegahlaupum og fararstjóri þeirra.
Viðburður ársins:
Selfoss Classic.