Bukayo Saka hefur skrifað undir samning við Arsenal til ársins 2027 og verður þar með launahæsti leikmaður félagsins.
Saka mun samkvæmt enskum blöðum þéna í kringum 300 þúsund pund á viku sem er veruleg hækkun frá því sem verið hefur.
Viðræður Saka við Arsenal hafa staðið yfir í allan vetur en nú fyrir síðustu umferð tímabilsins er blakið komið á blaðið.
Arsenal var lengi vel í toppsæti ensku úrvalsdeildarinnar en Saka og fleiri leikmenn liðsins hafa verið slakir síðustu vikur og Manchester City varð enskur meistari.
Saka er 21 árs gamall og er einn mest spennandi leikmaður Englands í dag. „Ég er virkilega ánægður, það hefur mikið verið talað lengi en ég er hér núna,“ segir Saka.
„Þetta er rétta félagið að mínu mati, rétti staðurinn til að taka næsta skref. Þetta er magnað félag.“