AGF og Danmerkurmeistarar Bröndby gerðu í kvöld 1:1-jafntefli í 1. umferð dönsku úrvalsdeildarinnar í fótbolta.
Jón Dagur Þorsteinsson var í byrjunarliði AGF og skoraði fyrsta mark liðsins á tímabilinu er hann kom því yfir strax á 10. mínútu. Hann fékk svo gult spjald á 66. mínútu og var tekinn af velli á 72. mínútu.
Landsliðsmaðurinn er á sínu þriðja tímabili með AGF en hann skoraði sjö mörk í dönsku deildinni á síðustu leiktíð og átta tímabilið á undan.