Hollywoodstjörnurnar Ben Affleck og Jennifer Lopez byrjuðu saman aftur í vor. Þrátt fyrir að að hamingjan skíni af þeim eru þau ekki sögð vera að flýta sér að ganga í hjónaband eða trúlofa sig, þau eru búin með þann pakka.
Heimildarmaður E! segir alvöru vera í sambandinu þó svo stjörnurnar tali ekki um það opinberlega. Ekki er langt síðan Lopez sleit trúlofun sinni við Alex Rodriguez og er því ekki að flýta sér upp að altarinu í bráð.
Parið er á sömu blaðsíðunni hvað varðar að bíða með trúlofun. „Það hefur truflað líf þeirra og fjölskyldu og þeim finnst þau ekki þurfa að trúlofa sig strax eða gifta sig. Þau hafa bæði verið þar og finnst það ekki nauðsynlegt.
Þeim líður vel í sambandinu og Ben dýrkar hana. Þetta átti að vera svona og öllum finnst þau fullkomin saman,“ sagði heimildarmaðurinn.