Bandaríski geimfarinn Buzz Aldrin fagnar í dag 93 afmælinu sínu með heldur óvenjulegum hætti en kappinn gifti sig í fjórða skiptið á ævinni.
Sú heppna er Anca Faur, 63 ára doktor í efnaverkfræði, en hún starfar sem framkvæmdastjóri fyrirtækis Aldrin, Buzz Aldrin Adventures.
Aldrin greindi frá þessu á Twitter.
„Það gleður mig að greina frá því að ég og lífsförunautur minn dr. Anca Faur gengum í hjúskap í dag við litla athöfn í Los Angeles,“ skrifaði geimfarinn.
On my 93rd birthday & the day I will also be honored by Living Legends of Aviation I am pleased to announce that my longtime love Dr. Anca Faur & I have tied the knot.We were joined in holy matrimony in a small private ceremony in Los Angeles & are as excited as eloping teenagers pic.twitter.com/VwMP4W30Tn
— Dr. Buzz Aldrin (@TheRealBuzz) January 21, 2023