Vegleg 20. RIFF-hátíð

Tutt­ug­asta RIFF-kvik­mynda­hátíðin hefst í Reykja­vík 28. sept­em­ber og stend­ur til 8. októ­ber. Opn­un­ar­mynd hátíðar­inn­ar að þessu sinni er Til­ver­ur, sem er frum­raun Ninnu Pálma­dótt­ur, en loka­mynd­in er Poor Things eft­ir Yorgos Lant­himos sem ný­verið hlaut verðlaun­in Gullna ljónið í Fen­eyj­um.

Kem­ur þetta fram í frétta­til­kynn­ingu frá aðstand­end­um RIFF sem kveða hátíðina veg­lega þar sem því verði nú fagnað að hún er hald­in í tutt­ug­asta skiptið. Sýnd­ar verða yfir 80 kvik­mynd­ir í fullri lengd auk fjölda stutt­mynda frá alls 63 lönd­um.

„Sýn­ing­ar í þessa ell­efu daga fara fram í Há­skóla­bíói sem er aðal­sýn­ing­arstaður RIFF, en jafn­framt í Nor­ræna hús­inu og í Slipp­bíói. Auk þess verður kvik­mynda­dag­skrá RIFF út um alla borg - í litl­um versl­un­um, bóka­söfn­um, gróður­hús­inu Lækj­ar­torgi, hvala­skoðun­ar­báti og hót­el­um und­ir nafn­inu RIFF um um bæ­inn.“

Íslensk­ar verðlaunastutt­mynd­ir sýnd­ar

Seg­ir í til­kynn­ing­unni að mynd­irn­ar eigi það sam­merkt að end­ur­spegla það besta sem alþjóðleg kvik­mynda­gerð hef­ur upp á að bjóða. Um sé að ræða nýj­ar gæðamynd­ir af ýmsu tagi eft­ir vel þekkta leik­stjóra á borð við Luca Guar­dagn­ino, Wim Wend­ers, Werner Herzog, Cat­her­ine Breillat, Ang­elu Schanelec og Yorgos Lant­himos yfir í fram­sækn­ar kvik­mynd­ir eft­ir nýja leik­stjóra sem keppa um Gullna lund­ann.

„Í til­efni 20. hátíðar­inn­ar verða þær ís­lensku stutt­mynd­ir sem hafa hlotið verðlaun á RIFF í gegn­um árin sýnd­ar og fram fer veg­leg ljós­mynda­sýn­ing úr sögu RIFF í Nor­ræna hús­inu, á stöpl­um í Póst­hús­stræti auk þess sem Há­skóla­bíói verður breytt í alls­herj­ar menn­ing­armiðstöð með list­sýn­ing­um, sæl­kera­veit­ing­um fyr­ir svanga og þyrsta og huggu­legri bíó­stemn­ingu. Keppni fer fram um hver sér flest­ar mynd­ir á RIFF og verður viðkom­andi boðið í veg­legt loka­hóf hátíðar­inn­ar þann 7. októ­ber,“ seg­ir í til­kynn­ing­unni.

„Heiðurs­gest­ir RIFF árið 2023 eru: Isa­belle Anne Madeleine Hupp­ert (f. 1953), stór­stjarna í franskri kvik­mynda­gerð en fer­ill henn­ar spann­ar rúm 50 ár og á hún allt að 150 hlut­verk í kvik­mynd­um og sjón­varpi að baki. Fer­ill Hupp­ert er stjörn­um prýdd­ur af viður­kenn­ing­um sem end­ur­spegla ein­staka hæfi­leika henn­ar.“

Staður blaðamanna­fund­ar­ins var nokkuð sér­stak­ur, en hann fór fram á haga­torgi við Há­skóla­bíó. mbl.is/​Eyþór

Villt­ustu vist­kerfi

Þá er franski heim­ild­ar­mynda­gerðarmaður­inn Luc Jacqu­et (f. 1967) meðal heiðurs­gesta. „Með ein­beitt­um vilja og brenn­andi ástríðu fyr­ir undr­um jarðar, fara mynd­ir Jacqu­ets með áhorf­end­ur í stór­kost­legt ferðalag til villt­ustu vist­kerfa plán­et­unn­ar. Jacqu­et fékk snemma áhuga á nátt­úr­unni og dýra­rík­inu sem leiddi til þess að hann tók meist­ara­próf í dýra­líf­fræði og vist­fræði. Í ein­um af leiðöngr­um sín­um tók Jacqu­et að sér hlut­verk mynda­töku­manns fyr­ir kvik­mynd Hans-Ulrich Schlumpf, Þing mörgæs­anna (1993),“ seg­ir í til­kynn­ing­unni.

Þýsk-lúx­em­borgíska stór­leik­kon­an Vicky Krieps (f. 1983) er þriðji heiðurs­get­ur­inn. Hún var heiðruð sem besta leik­kon­an á 35. Evr­ópsku kvik­mynda­verðlaun­un­um sem hald­in voru í Reykja­vík í des­em­ber fyr­ir túlk­un sína á Elísa­betu Aust­ur­rík­is­keis­araynju í Cor­sa­ge (2022) eft­ir Marie Kr­eutzer.

„Fer­ill Krieps byrjaði að blómstra um miðjan síðasta ára­tug þegar hún hreppti hvert hlut­verkið á fæt­ur öðru í ýms­um stór­um kvik­mynda­verk­efn­um. Hún sýndi hæfi­leika sína í The Young Karl Marx (2017) og Gut­land (2019), en það var mögnuð frammistaða henn­ar í Óskar­sverðlauna­mynd­inni Phantom Thread (2017) eft­ir Paul Thom­as And­er­son sem skaut henni upp á stjörnu­him­in­inn,“ seg­ir af Krieps.

RIFF, Alþjóðleg Kvik­mynda­hátíð í Reykja­vík, er nú hald­in í tutt­ug­asta skiptið. Ljós­mynd/​Aðsend

Far­sælt sam­starf

Fjórði og síðasti heiðurs­gest­ur er Luca Gua­dagn­ino (f. 1971), ít­alsk­ur kvik­mynda­gerðarmaður „þekkt­ur fyr­ir ein­læg­ar, hjart­næm­ar og list­ræn­ar kvik­mynd­ir. Gua­dagn­ino sló í gegn með róm­an­tísku drama­mynd­inni I Am Love (2009), með Til­du Sw­int­on í aðal­hlut­verki, sem hlaut alls 14 mik­ils met­in kvik­mynda­verðlaun. Þetta markaði upp­hafið af far­sælu sam­starfi þeirra tveggja, sem hélt áfram með mar­grómuðum mynd­um eins og A Big­ger Splash (2015) og end­ur­gerð á Su­spiria eft­ir Dario Arg­ento (2018)“, segja aðstand­end­ur hátíðar­inn­ar í til­kynn­ingu sinni.

Stikla hátíðar­inn­ar:

• Blogga um frétt