Breska götublaðið Mail Online greindi frá því í dag að Gylfi Þór Sigurðsson hefði verið færður í tímabundið skjólshús (e. safehouse) eftir að hafa verið handtekinn síðastliðinn föstudag grunaður um brot gegn ólögráða einstaklingi.
Gylfa var sleppt gegn tryggingu um helgina en heimildarmaður Mail Online segir Everton, félag Gylfa, hafa komið honum fyrir í húsnæðinu með sólarhringsgæslu.
Sami miðill segir eiginkonu Gylfa hafa flutt af heimili þeirra hjóna og sé nú í faðmi fjölskyldu sinnar á Íslandi.
Götublaðið Mail Online nafngreinir þó ekki Gylfa.