Fjórðu umferðinni í Bestu deild karla lýkur í kvöld með tveimur leikjum, annar fer fram á Hlíðarenda en hinn í Árbænum.
Valsmenn fá Framara í heimsókn á Hlíðarenda og viðureign liðanna hefst klukkan 18 en henni var flýtt þar sem körfuboltaleikur Vals og Njarðvíkur fer einnig fram í kvöld og hefst klukkan 20.15.
Framarar mæta til leiks fyrir ofan Val á töflunni en Fram er í fimmta sæti með sex stig eftir fyrstu þrjá leikina og Valur er með fjögur stig í áttunda sætinu.
Í Árbænum verður flautað til leiks hjá Fylki og Stjörnunni klukkan 19.15. Stjarnan er með þrjú stig og Fylkir eitt en liðin sitja í níunda og ellefta sæti.