Valur tók á móti Breiðablik í stórleik umferðarinnar í gær og þar höfðu Valsmenn betur og unnu 3-1 sigur.
Blikum hefur gengið afar illa í stóru leikjunum undir stjórn Óskars. Þetta var til umræðu í hlaðvarpsþættinum Dr. Football.
“Hann virðist alltaf finna leið til að koma ekki með sterkasta liðið sitt. Er það til þess að búa til minni pressu þegar hann tapar? Hefur hann enga trú á að vinna?,” sagði Arnar Sveinn Geirsson í Dr. Football
“Við erum að tala um átta leiki sem hann hefur spilað á móti þessum þremur liðum, Valur, FH og KR og hann er með þrjú stig. Hann er með einn bikarleik á móti KR sem hann tapar. Hann er með þrjú stig út úr átta leikjum. Þetta eru 24 stig og hann er með fjögur af þeim,” sagði Arnar Sveinn í Dr. Football.
“Þetta er bara Tottenham Íslands,“ bætti Arnar við.
“Ég get samt ekki mætt með kylfuna og farið að berja á Breiðabliks liðinu því mér fannst þeir mjög góðir í kvöld,“ sagði Hjörvar Hafliðason.
“Þeir voru frábært lið inni á vellinum í dag en það bara skilar engu á stigatöfluna og það er vandinn. Völsurum í dag finnst hundleiðinlegt að horfa Heimisboltann en þeir fá stig á töfluna,“ svaraði Arnar Sveinn í Dr. Football.