Norski dómarinn Mohammed Usman Aslam varð fyrir kynþáttaníði þegar hann dæmdi leik Haugasunds og Vålerenga í norsku úrvalsdeildinni í knattspyrnu karla í Haugasundi á sunnudaginn.
Haugesunds Avis, staðarblað Haugasunds, greinir frá þessu.
Þar segir að rasísk ókvæðisorð hafi verið hrópuð í átt að Aslam þegar verið var að taka aukaspyrnu. Bæði karl og kona hafi þar átt hlut að máli.
Norska knattspyrnusambandið rannsakar nú málið.