Alls liggja nú 45 á Landspítala með kórónuveiruna. Sjö þeirra eru á gjörgæslu og fjórir í öndunarvél. Meðalaldur sjúklinga er 62 ár.
Þetta kemur fram í tilkynningu á vef spítalans.
Þar segir að Landspítali starfi á neyðarstigi og að Covid-göngudeild spítalans þjónusti nú 8.551 með veiruna í samfélaginu. Af þeim fjölda eru 2.558 börn.
Frá upphafi fjórðu bylgju veirunnar, eins og það er orðað í tilkynningunni, sem miðuð er við 30. júní 2021, hafa alls 318 þurft að leggjast inn á Landspítala með kórónuveiruna.