Verða landi og þjóð til sóma
Sonja Sif Þórólfsdóttir
skrifar frá Tórínó
Setja bókamerki
Eurovision-aðdáandinn Sunna Mímisdóttir var hress í bragði þegar hún ásamt fleiri meðlimum í félaginu Fáses, Félagi áhugafólks um Söngvakeppni evrópskra sjónvarpsstöðva, gekk inn í Pala Olimpico höllina nú í kvöld.
„Stemningin er góð. Ég elska lagið. Ég hef engan áhyggjur af flutningnum. Sama hvað gerist er ég ógeðslega stolt af þeim, þær eru frábærar,“ sagði Sunna þegar blaðamaður hitti hópinn fyrir utan.
Fáses-liðar hittust á bar í borginni til að hita upp fyrir keppnina og drifu þau sig svo með sporvagni til hallarinnar.
„Ég fer bjartsýn inn í kvöldið. Við getum verið stolt sama hvernig fer, þær eru verðugir fulltrúar og eiga eftir að vera landi og þjóð til sóma,“ segir Sunna.
Sunna segist vera gríðarlega ánægð að vera loksins komin aftur á Eurovision eftir heimsfaraldur. „Ó Guð minn góður. Loksins! Ég var komin í verulega Eurovision-þörf, allt of mikla. Ég var Eurovision svelt. Loksins fáum við að vera með og upplifa stemninguna,“ segir Sunna.
Opin fyrir almennri kosningu biskups
Þakklátur Kínverjum fyrir friðarumleitanir
Fordæmir leyndarhyggju í skólamálum
„Hann var lokaður inni í bátnum“
Fannari líst ágætlega á aðgerðirnar
Um 70 jarðskjálftar í kvikuganginum
Kemur ekki til greina að semja við ESB