Hans-Joachim Watzke, framkvæmdastjóri Borussia Dortmund, segist sár yfir byrjun Jadon Sancho hjá Manchester United.
Sancho kom til Man Utd frá Dortmund á 73 milljónir punda. Honum hefur þó ekki enn tekist að skora eða leggja upp í fyrstu sjö leikjum sínum fyrir félagið.
Hann var ekki í byrjunarliðinu í tapi Man Utd gegn Aston Villa í ensku úrvalsdeildinni í gær.
Sancho var stórkostlegur fyrir Dortmund. Hann skoraði 50 mörk og lagði upp 64 í 137 leikjum.
,,Ég elska Jadon,“ sagði Watzke. ,,Þegar þú horfir á hann spila tárast þú. Það særir sál mína að hann fái ekki fleiri tækifæri. Ég held að vandamálið hans sé að hann sé ekki fastamaður í enska landsliðinu.“