Hinn magnaði sig­ur Tinda­stóls á ÍBV skygg­ir á flest annað sem gerðist í 21. um­ferð Bestu deild­ar kvenna í fót­bolta um helg­ina en það var jafn­framt lokaum­ferðin í neðri hluta deild­ar­inn­ar.

Tinda­stóll vann leik­inn 7:2 og þetta er stærsti sig­ur fé­lags­ins í sög­unni í efstu deild. Sá stærsti fram að þessu kom í fyrri heim­sókn Eyja­kvenna á Sauðár­krók í sum­ar en þá vann Tinda­stóll 4:1.

Murielle Tiern­an varð fyrst í sög­unni til að skora þrjú mörk eða fleiri í leik fyr­ir Tinda­stól í efstu deild en hún gerði fjög­ur mark­anna og þrjú þeirra með skalla á fyrstu 36 mín­út­um leiks­ins.

Al­dís María Jó­hanns­dótt­ir skor­ar eitt af sjö mörk­um Tinda­stóls gegn ÍBV. Ljós­mynd/​Jó­hann Helgi Sig­mars­son

Murielle varð jafn­framt með fjórða mark­inu fyrsti leikmaður Tinda­stóls til að skora tíu mörk sam­tals fyr­ir fé­lagið í efstu deild.

Tinda­stóll náði sín­um besta ár­angri frá upp­hafi, 7. sæt­inu, en áður var það 9. sætið þegar liðið lék fyrst í deild­inni, árið 2021, og varð þá næst­neðst og féll.

Bryn­dís Rut Har­alds­dótt­ir og Hug­rún Páls­dótt­ir hafa leikið alla 39 leiki Tinda­stóls í efstu deild, alla 18 leik­ina árið 2021 og þær spiluðu alla leik­ina í ár, 21 tals­ins. 

Sig­ríður Lára Garðars­dótt­ir sló leikja­metið hjá ÍBV í efstu deild kvenna í sama leik. Hún lék sinn 149 leik fyr­ir ÍBV í deild­inni og sló met Elenu Ein­is­dótt­ur.

Krist­ín Erna Sig­ur­lás­dótt­ir og Bryn­dís Rut Har­alds­dótt­ir í bar­áttu á Sauðár­króki á laug­ar­dag­inn. Ljós­mynd/​Jó­hann Helgi Sig­mars­son

Krist­ín Erna Sig­ur­lás­dótt­ir skoraði annað marka ÍBV gegn Tinda­stóli. Hún fór þar með upp fyr­ir Mar­gréti Láru Viðars­dótt­ur og er orðin þriðja marka­hæst hjá ÍBV í efstu deild með 49 mörk. Fyr­ir ofan hana eru Bryn­dís Jó­hann­es­dótt­ir með 64 mörk og Cloé Lacasse með 54 mörk.

Hulda Ósk Jóns­dótt­ir úr Þór/​KA lék sinn 150. leik í efstu deild þegar Ak­ur­eyr­arliðið vann Þrótt 2:0 á úti­velli í gær. Þar af eru 134 fyr­ir Þór/​KA en hinir 16 fyr­ir KR.

Hulda Hrund Arn­ars­dótt­ir úr Stjörn­unni lék sinn 100. leik í deild­inni þegar Garðabæj­arliðið tapaði 2:0 fyr­ir Breiðabliki í Kópa­vogi í gær. Þar af er 91 leik­ur fyr­ir Fylki en hinir níu með Stjörn­unni í ár.

Þrótt­ar­inn Helgi Þor­valds­son benti á villu í pistl­in­um um 20. um­ferð deild­ar­inn­ar. Þar var sagt að annað mark Þrótt­ar gegn FH, sem Freyja Karín Þor­varðardótt­ir skoraði, hefði verið 200. mark Þrótt­ar í deild­inni. Það rétta er að það var fyrsta mark Þrótt­ar í leikn­um sem var 200. markið en það var sjálfs­mark eft­ir glæsi­legt stang­ar­skot Kötlu Tryggva­dótt­ur í markvörðinn og inn.

Laura Frank skoraði sitt fyrsta mark í deild­inni, í sín­um fjórða leik, þegar Val­ur vann FH 3:1 í gær.

Vikt­oría Par­ís Sa­bido kom inn á hjá Breiðabliki gegn Stjörn­unni og lék sinn fyrsta leik í efstu deild.

Sel­fyss­ing­arn­ir Ásdís Þóra Böðvars­dótt­ir og Elsa Katrín Stef­áns­dótt­ir léku báðar sinn fyrsta leik í efstu deild þegar lið þeirra tapaði 1:0 í Kefla­vík á laug­ar­dag­inn.

Úrslit­in í 21. um­ferð:
Kefla­vík - Sel­foss 1:0
Tinda­stóll - ÍBV 7:2
Val­ur - FH 3:1
Breiðablik - Stjarn­an 2:0
Þrótt­ur R. - Þór/​​KA 0:2

Marka­hæst­ar:
14 Bryn­dís Arna Ní­els­dótt­ir, Val
9 Agla María Al­berts­dótt­ir, Breiðabliki
8 Katla Tryggva­dótt­ir, Þrótti
8 Murielle Tiern­an, Tinda­stóli 
8 Sandra María Jessen, Þór/​​​​​​​​​​​​​​​​​​​KA
7 Andrea Rut Bjarna­dótt­ir, Breiðabliki
7 Andrea Mist Páls­dótt­ir, Stjörn­unni
7 Birta Georgs­dótt­ir, Breiðabliki
7 Katrín Ásbjörns­dótt­ir, Breiðabliki
7 Linli Tu, Kefla­vík/​​​​​​​​Breiðabliki
7 Shaina Ashouri, FH
6 Ásdís Kar­en Hall­dórs­dótt­ir, Val
6 Freyja Karín Þor­varðardótt­ir, Þrótti
6 Mel­issa Garcia, Tinda­stóli
6 Olga Sevcova, ÍBV
6 Tanya Boychuk, Þrótti
6 Þór­dís Elva Ágústs­dótt­ir, Val
5 Gunn­hild­ur Yrsa Jóns­dótt­ir, Stjörn­unni
5 Kar­en María Sig­ur­geirs­dótt­ir, Þór/​​KA

Næstu leik­ir:
30.9. Breiðablik - FH
30.9. Þrótt­ur R. - Val­ur
30.9. Þór/​KA - Stjarn­an

Tengd­ar frétt­ir

Ýmis­legt um Bestu deild­irn­ar

27. um­ferð: Daní­el, Hall­grím­ur, Krist­inn, Kjart­an, Erl­ing­ur og Elf­ar

• 23. um­ferð: Spilaði 300. leik­inn á 24. tíma­bil­inu
• 26. um­ferð: Sig­urður með 300. leik­inn
• 22. um­ferð: Áfang­ar hjá Öglu Maríu og El­ínu Mettu
• 25. um­ferð: Kom­inn í fá­menn­an hóp

» Fleiri tengd­ar frétt­ir

• Blogga um frétt