26 milljarðar safnast handa Trump
Setja bókamerki
Kosningateymi Donalds Trumps Bandaríkjaforseta og landsnefnd Repúblikanaflokksins segjast hafa safnað 207,5 milljónum bandaríkjadala, eða um 26 milljörðum króna, síðan forsetakosningunum lauk í síðasta mánuði.
Fjármagnið á að nota í lögsóknir vegna sigurs demókratans Joe Bidens í kosningunum, að sögn BBC.
Trump hefur neitað að viðurkenna ósigur sinn og heldur því fram, án nokkurra sannana, að Biden hafi sigrað vegna þess að brögð hafi verið í tafli.
Á sama tíma hefur teymi Bidens safnað 112 milljónum dollara, eða um 14 milljörðum króna.
Í herferð að loknum forsetakosningunum voru tölvupóstar sendir á stuðningsmenn Trumps þar sem þeir voru beðnir um peningastyrk í „opinberan kosningavarnarsjóð“ til að „vernda úrslitin og halda baráttunni áfram eftir kjördaginn“.
Biden hlaut 306 kjörmenn á móti 232 kjörmönnum Trumps og hlaut Biden því mun fleiri en þá 270 sem þörf er á til sigurs. Biden hlaut sömuleiðis um sjö milljónum fleiri atkvæði en Trump.
Biden mun sverja embættiseið sinn 20. janúar.
Hernaðaraðstoð samþykkt – Vopnasendingar í vikunni
Vélsleðaslys: Þyrlan kölluð út á mesta forgangi
Skemmtiferðaskip hætt komið nærri Viðey
Árshátíð ríkislögreglustjóra haldin í Tékklandi
„Það þarf að vinna mikinn fjölda upp“
„Okkur miðar í rétta átt“
Skar höfuðleðrið af íslenskri konu
Tveir í bílnum sem lenti utan vegar