David Luiz, fyrrum leikmaður Arsenal og Chelsea, gæti verið á leið aftur til Evrópu samkvæmt fréttum dagsins.
Um er að ræða 35 ára gamlan hafsent sem gerði það gott með Chelsea á sínum tíma og lék einnig með Paris Saint-Germain og seinast Arsenal.
Í dag spilar Luiz með Flamengo í Brasilíu en Inter Milan á Ítalíu hefur verið boðið að fá varnarmanninn.
Goal fullyrðir þessar fregnir og er Inter nú að íhuga hvort félagið muni bjóða honum samning eða ekki.
Luiz skrifaði undir hjá Flamengo í september og hefur verið inn og út úr liðinu þá aðallega vegna meiðsla.
Samningur Luiz við Flamengo rennur út í lok árs og væri í dag fullkominn tímapunktur fyrir leikmanninn að róa á önnur mið.