Grótta vann afar sannfærandi 5:0-heimasigur á KR í 1. deild kvenna í fótbolta í kvöld. Arnfríður Auður Arnarsdóttir, María Lovísa Jónasdóttir og Hannah Abraham komu Gróttu í 3:0 á fyrstu 27 mínútunum.
Gróttukonur voru ekki hættar í fyrri hálfleik, því Margrét Lea Gísladóttir bætti við mörkum á 30. og 34. mínútu. Ekkert var skorað í seinni hálfleik og fimm marka sigur Gróttu var staðreynd.
Augnablik vann 3:1-heimasigur á Fram í Fífunni. Sara Svanhildur Jóhannsdóttir og Viktoría París Sabido komu Augnabliki í 2:0 í fyrri hálfleik. Eva Karen Sigurdórsdóttir minnkaði muninn á 66. mínútu, en Edith Kristín Kristjánsdóttir tryggði Augnabliki sigurinn með þriðja markinu á 76. mínútu.
Þá gerðu Grindavík og Afturelding markalaust jafntefli í Grindavík.
Staðan: