Lagði upp í stórsigri gegn Roma
Setja bókamerki
Alfons Sampsted lagði upp þriðja mark Bodö/Glimt þegar liðið vann 6:1-stórsigur gegn Roma í C-riðli Sambandsdeildar Evrópu í knattspyrnu í Noregi í kvöld.
Alfons var í byrjunarliði norska liðsins og lék allan leikinn í hægri bakvarðastöðunni en Bodö/Glimt er í efsta sæti riðilsins með 7 stig, Roma er með 6 stig, CSKA Sofia með 1 stig og Zorya án stiga.
Ísak Bergmann Jóhannesson og Andri Fannar Baldursson voru báðir í byrjunarliði Köbenhavn sem tapaði 1:2 gegn PAOK í Danmörku í F-riðlinum.
Ísak fór af velli á 74. mínútu en Andra Fannari var skipt af velli í hálfleik. Hákon Arnar Haraldsson var ónotaður varamaður hjá Köbenhavn og Sverrir Ingi Ingason er enn frá vegna meiðsla hjá PAOK.
PAOK er í efsta sæti riðilsins með 7 stig, Köbenhavn er með 6 stig, Slovan Bratislava er með 1 stig og Lincoln Red Imps án stiga.
Skrítin menning í bankanum
Aukin tíðni þungunarrofa hjá yngsta aldurshópnum
Hjón sluppu með skrekkinn
Niðurstaða MDE kallar á breytingar
„Þögnin er ærandi“
Allar rúður brotnar hjá Fiskikónginum