Þjóðverjar eiga bestu þjálfara ársins
Setja bókamerki
Ljóst er að Þjóðverji verður útnefndur þjálfari ársins af UEFA, Knattspyrnusambandi Evrópu, fyrir tímabilið 2019-20 en gefið var út í dag hverjir væru í þremur efstu sætunum.
Sigurvegarinn verður síðan krýndur 1. október en þeir þrír sem fengu flest stig í kjörinu eru allir þýskir. Það eru þeir Hans-Dieter Flick, þjálfari Evrópu- og Þýskalandsmeistara Bayern München, Jürgen Klopp, þjálfari Englandsmeistara Liverpool, og Julian Nagelsmann, þjálfari RB Leipzig í Þýskalandi.
Hjá konunum er einn Þjóðverjinn enn í hópi þriggja efstu en það er Stephan Lerch, þjálfari Þýskalandsmeistara Wolfsburg. Hinir eru Frakkinn Jean-Luc Vasseur, þjálfari Evrópu- og Frakklandsmeistara Lyon, og Spánverjinn Lluís Cortés, þjálfari Barcelona.
Eins og áður hefur komið fram er Sara Björk Gunnarsdóttir í hópi þeirra þriggja sem fengu flest atkvæði í kjörinu á besta miðjumanni Meistaradeildar Evrópu, sem er hluti af sama kjöri hjá UEFA og Samtökum evrópskra íþróttafjölmiðla, ESM.
Fyrr í dag var opinberað hvaða leikmenn kæmu til greina sem leikmaður ársins í karla- og kvennaflokki.
Og fyrr í þessum mánuði voru birt nöfn þeirra sem koma til greina sem besti leikmaðurinn í hverri stöðu í Meistaradeild karla:
Fjárfestingin 115 milljarðar króna
„Ert þú þá svona latte-lepjandi hjólagaur?“
Starfsfólk gæti fengið reikning frá Skattinum
Allar rúður brotnar hjá Fiskikónginum
Benda á Samgöngustofu sem bendir út í heim
Slökkva í síðustu glæðunum á morgun
Skrítin menning í bankanum