Bríet Ómarsdóttir og handknattleiksdeild ÍBV hafa komist að samkomulagi um að hún leiki áfram með kvennaliði félagsins á næsta tímabili.
Bríet er tvítugur línumaður sem er alin upp hjá ÍBV þar sem hún hefur leikið með liðinu í efstu deild undanfarin ár ásamt U-liði félagsins í næstefstu deild.
Hún hefur leikið með yngri landsliðum Íslands í gegnum tíðina og var valin efnilegasti leikmaður ÍBV árið 2020.
„Við erum ánægð að hafa Bríeti áfram í okkar röðum og hlökkum til áframhaldandi samstarfs,“ sagði í tilkynningu frá handknattleiksdeild ÍBV.